ASTACES

I.

ASTACES

Praetor Darii, Memphis praesidio relictus, qui Alexandro Philippi filio, Nilô superatô, octingenta talenta omnemque regiam supellectilem tradidit. Curt. l. 4. c. 7. Verum Ianus Gebhardus unicus Curtii admiraor censet, Ruffum emendandum ex Arriani l. 3. heicque legendum Mazaces.

Sic enim locô laudatô: Μαζάκης δὲ ὁ Πέρσης, inquit, ὅς ἦν σατράπης Αἰγύπτου εν Δαρείου καθεςτηκώς: iterumque corrigit Arrianum l. 3. ubi vulgatum est. Σατράπην δὲ ἀπέδειξε Παρθυαίων δὲ Υ῾ρκανίων Α᾿μμυνάπην Παρθυαῖον. ἦν δὲ τȏυτος την` Α῎γυπτον ενδόντων Α᾿λεξάνδρῳ μετὰ Μαζαίου. lege Μαζάκου. Nam Mazaeus Babyloniae Satrapes vixit, in eaque praefectura exspiravit. Vide Curtium l. 4. c. 13.

II.

ASTACES

fluv. Ponti, de quo Plin. l. 2. c. 103. In Ponto fluvius Aspaces rigat campos, in quibus pastae nigrô lacte equae gentem alunt.